• 0

Kalendar Iban (12 Bulan Taun Iban)

Kitai Iban pan baka bansa bukai ba dunya tu, bisi ngembuan kalendar (12 Bulan Taun Iban) kediri. Ari kalendar kitai tu meh kitai Iban kelia ngereja pengawa asal kitai baka ngepunka pengawa bumai baka nebas, maia nunu, maia ngetau enggau pengawa bumai ti bukai. Bulan kitai Iban dudi sebulan ari bulan perintah. Nyadi tusu Kalendar Iban (12 Bulan Taun Iban) baka ke ba baruh tu:

Bulan Pangka Di Labu (Bulan 1, Taun Iban)
  • Bulan December bulan perintah
  • Bulan maia padi bukit baru tuai buah

Bulan Empalai Rubai (Bulan 2, Taun Iban)

  • Bulan January bulan perintah

Bulan Emperaga / Bulan Empikap (Bulan 3, Taun Iban)
  • Bulan February bulan perintah
  • Maya Iban ngetau padi bukit

Bulan Lelang (Bulan 4, Taun Iban)
  • Bulan March taun perintah
  • Bulan maia Iban lepa ari pengawa bumai, nya alai kitai Iban kelia nguna awak tu alai begiga, pegi tauka ngayau

Bulan Turun Panggul (Bulan 5, Taun Iban)
  • Bulan April bulan perintah
  • Bulan maia Iban manggulka umai

Bulan Sandih Tundan (Bulan 6, Taun Iban)
  • Bulan May bulan perintah
  • Bulan maia Iban nebang kayu rimba, kayu besai, kayu kampung

Bulan Tujuh (Bulan 7, Taun Iban)
  • Bulan June bulan perintah

Bulan Belanggang Reban (Bulan 8, Taun Iban)
  • Bulan July bulan perintah
  • Bulan maia Iban ngerankaika reban umai bukit

Bulan Kelebun (Bulan 9, Taun Iban)
  • Bulan August bulan perintah
  • Bulan maia Iban nunu enggau berengkah nugal umai

Bulan Labuh Benih (Bulan 10, Taun Iban)
  • Bulan September bulan perintah
  • Bulan maia Iban nugal padi bukit

Bulan Gantung Senduk (Bulan 11, Taun Iban)
  • Bulan October bulan perintah
  • Bulan maia Iban bagas abis padi / berau / beras

Bulan Chechanguk (Bulan 12, Taun Iban)
  • Bulan November bulan perintah
  • Bulan maia Iban mantun umai bukit

*Tu meh 12 Bulan Taun Iban

Posted by
Pengiran Muda Papa a.k.a PMP

More
  • 0

Penyakit Kolera benung nyadi ba Bintulu


Jaku lalau ari Opis Pengerai sitak Bintulu, minta semua kitai ka mendam diau ba kandang menua Bintulu sama bejaga-jaga ari penyakit Kolera ti ulih berampit tu. Ba atas tu gambar ti nunjukka kitai chara-chara kitai nyeliah penyakit tu ari berampi ngagai kitai empu, diri sebilik enggau urang ke ngelingi kitai. Sida raban opis pengerai mega nangkan bala mayuh ti bisi simptom penyakit Kolera tu nganjung diri empu enggau naka pengelengkas ngagai klinik tauka sepital ti semak kandang endur kitak diau. Simptom penyakit Kolera tu ianya baka cirit-birit ti suah, muntah-muntah, enggau tabin (deman panas).

Raban ari Opis Pengerai mega ngelalau bala mayuh anang enda bepandukka ari ti diirup kitak seari-ari, seliah beirupka ai chelap, pemakai ti baru udah mansau dipanduk, seliahka makai sambal enggau pemakai ti enda dipanduk sereta pemakai ti agi matak, tangkup lauk kitak enggau penagkup lauk enggaika bisi lalat tama. Lalu meresi kandang rumah kitak ngambika nadai endur bala lalat, cit tauka gerinang diau.

* Cuci jari kitak selalu sebedau enggau sepengudah makai tauka sepengudah kitai ngereja siti-siti pengawa.

Posted by
Pengiran Muda Papa a.k.a PMP

More
  • 0

Majalah Bangka (Edisi Keterubah)

Kena 15 Mei 2012 Majalah Katun Jenaka Iban ianya  Majalah Bangka udah dikeluarka sereta disadung Debra Ijah Eddy Publications (DIEP). DIEP tu bepalan ba menua pelilih Sarikei, Sarawak. Majalah Bangka tu tau dibeli enggau rega RM7.80, lalu tau di order ari pemesai promosyen ti udah dipilih DIEP empu. Ngagai sapa ti bisi ati deka ngembuan Majalah Bangka tu kitak tau email ngagai: majalahbangka@yahoo.com. Pia mega kitak tau betanya enggau siba tengah Facebook, search: majalahbangka

Download:

http://adf.ly/BloDa

Posted by
Pengiran Muda Papa a.k.a PMP

More
  • 0

Selamat Hari Raya Aidilfitri

Nyadi ke sekali tu, aku deka nujuka Salam Aidilfitri aku ngagai bala petunggal aku ti diau ba Tanah Malaya (Semenanjung Malaysia), ba negeri Selangor. Ti udah megai pengarap Islam. Ngarapka kita din gerai lantang senang mujur ba semua pengawa ke taun tu enggau dataika ila-ila. Baka kami ke ba menua ditu (Sarawak, Bintulu) meruan gerai belama. Sampi aku, ngarapka kitai semadi, sepetunggal ulih begulai begelumu baru ba Krismas taun tu tauka Gawai Dayak taun baru ila.

*Selamat Nyambut Aidilfitri 2012.

Posted by
Pengiran Muda Papa a.k.a PMP

More
  • 0

Nama Reti "Berandau"?

Gambar Pengias
Dikena kitai muka randau kitai ke saritu. Aku deka mai kitai bejuraika nama reti "BERANDAU"? Nitihka kamus Tribahasa ti dipansutka raban Sarawak Iban Writters' Association (SIWA) begulai enggau Pustaka Putera Kenyalang (PPK). Leka  jaku 'Berandau' tu datai ari pun jaku 'Randau'. Reti Leka jaku Randau tu ianya - bejaku, bedialog, [berbual-bual,berdialog *BM], discourse, talk, conversation *BI. Retinya tadi bisi dua tauka lebih ari 2 iku urang ti benung bejuraika siti-siti topik udah dipilih sida. Baikka nya semina dikena ngepun randau tauka kena mantaika ati ti enda lantang ba siti-siti pekara. Nyadi tu penemu ti dikunsika aku ngau bala kita pemacha mayuh. dipeda baka ke senang. Tang ti nyema bisi urang nanya kita nama reti leka jaku Berandau tauka randau tu ba kontek tu. Tu meh saut ia.

Sumber: Kamus Tribahasa (Iban-Melayu-Inggeris) Edisi Keterubah 2010-Editor: Jaya Ramba-Penyusun: Harry Usup Umbar: Geofry Singgon: Timothy Salang.

*BM-Bahasa Melayu
*BI-Bahasa Inggeris

Posted by
Pengiran Muda Papa a.k.a PMP

More
Powered by Blogger.

Copyright © / Berandau@Chat

Template by : Urang-kurai / powered by :blogger